Home എഡ്യൂസാറ്റ് ടെര്‍മിനല്‍

എഡ്യൂസാറ്റ് ടെര്‍മിനല്‍


എഡ്യൂസാറ്റ് ടെര്‍മിനല്‍ : അനൌപചാരിക വിദ്യാഭ്യാസത്തിലുള്ള പുത്തന്‍ സമ്പ്രദായമാണ് ഉപഗ്രഹാധിഷ്ഠിത 'എഡ്യൂസാറ്റ് വിനിമയ ശൃംഖല'. ഐ.എസ്.ആര്‍.ഒ യുടെ 'വികസന വിദ്യാഭ്യാസ വിനിമയ യൂണിറ്റിന്റെയും' (ഡി.ഇ.സി.യു) കേന്ദ്രസര്‍ക്കാരിന്റെ ശാസ്ത്രസാങ്കേതിക സ്ഥാപനമായ വിജ്ഞാന്‍ പ്രസാറിന്റെ സഹകരണത്തോടെയുമാണ് എഡ്യൂസാറ്റ് ശൃംഖല പ്രവര്‍ത്തിക്കുന്നത്. 'എഡ്യൂസാറ്റ് ' ഉപഗ്രഹത്തിന്റെ സഹായത്തോടെ നടത്തപ്പെടുന്ന ഈ ദൃശ്യശ്രാവ്യ വിനിമയ ശൃംഖല വിദ്യാഭ്യാസത്തിനു പുറമേ ദുരന്തനിവാരണത്തിനും ഉപയുക്തമാക്കാം.

മ്യൂസിയത്തില്‍ ക്രമീകരിച്ചിട്ടുള്ള 'സാറ്റലൈറ്റ്' ഇന്ററാക്റ്റീവ് ടെര്‍മിനലില്‍' സന്നിഹിതരായിരിക്കുന്ന കുട്ടികള്‍ക്ക് വിജ്ഞാന്‍ പ്രസാറിലെ ശാസ്ത്രജ്ഞരുടെ ക്ളാസ്സുകളില്‍ സംബന്ധിക്കാനും വിദഗ്ധ പ്രൊഫസര്‍മാരുമായി ആശയവിനിമയം നടത്തി സംശയനിവാരണം വരുത്തുവാനും സാധിക്കും. ചുരുക്കത്തില്‍ ഇത് ഇന്ത്യയൊട്ടാകെയുള്ള ഒരു ക്ളാസ്റൂമായി പ്രവര്‍ത്തിക്കും. താല്‍പര്യമുള്ള സ്കൂള്‍ അധികൃതര്‍ക്ക് ഈ പദ്ധതി പ്രയോജനപ്പെടുത്താന്‍ കഴിയുന്നതാണ്.

 
Website Designed and Powered by - Centre for Development of Imaging Technology C-Dit