Home ലേസര്‍ പ്രദര്‍ശനവും മ്യൂസിക്കല്‍ ഫൌണ്ടനും

ലേസര്‍ പ്രദര്‍ശനവും മ്യൂസിക്കല്‍ ഫൌണ്ടനും


ലേസര്‍ പ്രദര്‍ശനവും മ്യൂസിക്കല്‍ ഫൌണ്ടനും : ശാസ്ത്രസാങ്കേതിക മ്യൂസിയത്തിലെ ശാസ്ത്രോദ്യാനത്തില്‍ പുതിയതായി നിര്‍മ്മിച്ചിട്ടുള്ള ആംഫിതീയറ്ററിലാണ് ലേസര്‍ പ്രദര്‍ശനവും മ്യൂസിക്കല്‍ വാട്ടര്‍ ഫൌണ്ടനും ഒരുക്കിയിട്ടുള്ളത്. വിനോദത്തിലൂടെ ശാസ്ത്രാഭിമുഖ്യം വളര്‍ത്തുക എന്ന ഉദ്ദേശ്യമാണ് ഈ ഉദ്യമത്തിനു പിന്നില്‍. തികച്ചും വ്യത്യസ്തവും എന്നാല്‍ രസകരവുമായ ഒരു ദര്‍ശനാനുഭൂതി സന്ദര്‍ശകര്‍ക്ക് സമ്മാനിക്കാന്‍ ഈ ലേസര്‍ പ്രദര്‍ശനത്തിനു സാധിക്കുന്നു. മറ്റ് ലേസര്‍ പ്രദര്‍ശനശാലകളില്‍ നിന്നും വ്യത്യസ്തമായി സ്ക്രീന്‍ ഇഫക്റ്റും, ബീം ഇഫക്റ്റും സമന്വയിപ്പിച്ച ഒരു പുത്തന്‍ പരീക്ഷണമാണ് സന്ദര്‍ശകര്‍ക്ക് ഒരുക്കിയിട്ടുള്ളത്. കണ്ണഞ്ചിപ്പിക്കുന്ന വര്‍ണ്ണ വിസ്മയത്തില്‍ ചുവടുവയ്ക്കുന്ന ജലഫൌണ്ടന്‍ കുട്ടികളേയും മുതിര്‍ന്നവരേയും ഒരുപോലെ ആകര്‍ഷിക്കും. ശാസ്ത്രാധിഷ്ഠിതമായ ലേസര്‍ പ്രദര്‍ശനമാകട്ടെ ശാസ്ത്രകുതുകികളെ തൃപ്തരാക്കുകയും ചെയ്യും.

തലസ്ഥാനത്തെത്തുന്ന വിനോദ സഞ്ചാരികളേയും വിജ്ഞാനന്വേഷതരേയും ഒരു പോലെ തൃപ്തിപ്പെടുത്താന്‍ ഈ ദൃശ്യ-ശ്രാവ്യ മാധ്യമത്തിനു കഴിയും. ഇന്ത്യയിലെതന്നെ ഇത്തരത്തിലെ ആദ്യ പ്രദര്‍ശനശാലയിലേക്ക് ഏവരേയും സ്വാഗതം ചെയ്യുന്നു.

 
Website Designed and Powered by - Centre for Development of Imaging Technology C-Dit